СПОРТЫН ТӨРӨЛЖСӨН СУРГАЛТТАЙ ЕРӨНХИЙ
БОЛОВСРОЛЫН СУРГУУЛИЙН ТОВЧ ТАНИЛЦУУЛГА
БИДНИЙ АЛСЫН ХАРАА
Монгол улсын ирээдүйн хөгжлийг манлайлан хөтлөх боловсон хүчнийг нээн илрүүлэх.
БИДНИЙ ЭРХЭМ ЗОРИЛГО
Ирээдүйд спортоор өндөр амжилт үзүүлэх улсын шигшээ багт тэнцэх тамирчдыг бэлтгэх, тэдэнд орчин үеийн стандартад нийцсэн чанартай боловсролыг олгох хөгжүүлэхэд оршино.
БИДНИЙ ЗОРИЛТ
Оюунлаг, Эрүүл чийрэг спортын тамирчин суралцагчдыг бэлтгэх.
ТҮҮХЭН ЗАМНАЛ
Тус сургууль нь БТСХ-ны дарга асан Я.Батмөнхийн санаачилгаар 1997 оны 09 сарын 08-ны өдрийн Аймгийн Засаг даргын А/230 тоот захирамжаар байгуулагдан, 2002 онд БСШУЯ-ны Сайдын 333-р тушаалыг үндэслэн “Спортын гүнзгийрүүлсэн сургалттай сургууль” , 2016 оны 11 сарын 10-ны Аймгийн ИТХ-ын Тэргүүлэгчдийн 124-р тогтоолоор “Үндэсний бөхийн далай даян дархан аварга Б.Түвдэндоржийн нэрэмжит сургууль” 2019 оноос “Спортын төрөлжсөн сургалттай ерөнхий боловсролын сургууль” болон өргөжсөн 24-н жилийн түүхэн замналтай сургууль юм. Багш нарын 15% нь тэргүүлэх, 15% нь заах аргач багш мэргэжлийн зэрэгтэй, 31% нь магистр зэрэгтэй, 69% нь бакалавр зэрэгтэй, 100% олон улсын хөтөлбөрийн онлайн болон бүсийн сургалтад хамрагдсан чадвартай.
ХИЧЭЭЛЛЭЖ БУЙ СПОРТЫН ТӨРЛҮҮД
- Хөнгөн атлетик – Улсын шүүгч М.Ууганбаяр
- Самбо, Жудо бөх-СМ Ц.Баттулга
- Буудлага-БТТА СМ Г.Ганхуяг
- Чөлөөт бөх, Үндэсний бөх- Олон Улсын шүүгч, Олон Улсын дасгалжуулагч Спортын Мастер Б.Эрдэнэболд
- Бокс- МБХ 1 од, СМ Д.Мөнхболд
- Спорт тоглоом, Олс таталт – СМ Ц.Лхагвасүрэн
багш нар спортын төрлүүдээр дугуйлан секц хичээллүүлж байна. Манай сургууль дээрх спортын төрлүүдийг ерөнхий эрдмийн хичээлтэй хослуулан зохион байгуулж спортын зэрэг цолтой эрүүл чийрэг, оюунлаг тамирчин суралцагчдыг бэлтгэж байна.