Булган 6-р багийн Жаргалантын аманд байрлах зуслангийн шинэ суурьшлын бүсэд 50 кВА чадалтай, 10/0.4 кВ-ын хүчдэл бүхий дэд станц барих ажлыг 26.9 сая төгрөгийн санхүүжилтээр “Сервис по сименс” ХХК-тай гэрээ байгуулан гүйцэтгүүлж, байнгын ашиглалтад хүлээн авлаа. Энэхүү дэд станц ашиглалтад орсноор тухайн шинэ суурьшлын бүсэд оршин суух айлууд цахилгааны эх үүсвэрээр хангагдах нөхцөл бүрдэж байна.
Мөн Ачуут 1-р багийн тоглоомын талбайг хашаалах ажлыг 17.2 сая төгрөгийн санхүүжилтээр иргэн Түмэнбаярын Батжаргалтай гэрээ байгуулан гүйцэтгүүлж, ажлын хэсэг ажиллаж ашиглалтад хүлээн авлаа.
Хужирт 2-р баг С.Магсаржавын 2 дугаар гудамжны 105 дугаар байрны гадна фасадны засварын ажлыг 19.7 сая төгрөгийн санхүүжилтээр “Усан болор ертөнц” ХХК-тай гэрээ байгуулан гүйцэтгүүлж, ашиглалтад хүлээн авлаа.
![](https://bulgan.bu.gov.mn/wp-content/uploads/2024/05/1-1024x683.jpg)
![](https://bulgan.bu.gov.mn/wp-content/uploads/2024/05/IMG_1920-1024x683.jpg)
![](https://bulgan.bu.gov.mn/wp-content/uploads/2024/05/viber_image_2024-05-08_11-36-37-589-1024x768.jpg)